الأربعاء، 25 مايو، 2011

براك عارف ؟!!


براك عارف
عشت الدنيا لعيونك
سرحت بقيت مجنونك
ايه الدنيا من دونك
غير ألم وجرح نازف


براك عارف
حياتى بلاك بقضيها
مرارة وحرقة بفنيها
ما بتسوى وانت مافيها
بعيد عنى
ولى طرفك صارف

براك عارف  
بعاند الدنيا شان خاطرك
بحلم يوم لو امكن
أكون عنوان لى دفاترك
وبرضو خايف ؟

براك عارف
سألت عليك نجوم الليل
مجافى النوم وجسمى نحيل
ومتوسد أشواقى دليل
والشوق جارف

براك عارف
وأكيد عارف
ليك الجوه فى الاعماق
مساحات من ندى الاشواق
وحنين فياض نبض خفاق
وريدة شديدة من زول مشتاق

وبراك عارف ..




-------------
الخرطوم - 2011

0 التعليقات:

إرسال تعليق